Тырнаузрай хьуссар боксрал СКФО-рал 17-18 шинавусса жагьилтурал бяст-ччал, тикку ххув хьуну ур Дагъусттаннал 4 боксер.

Финалданийн увккун ур жула 6 спортсмен, миннава 4 ххув хьуну ур. Цалчинмур мусил медаль ларсун дур 49 килорал кIушиврий Зайнуттин Хидировлул, 69 килорал кIушиврий - Рамазан Дадаев, МахIаммадсултан Мусаев - 81 килорал кIушиврий ва Марат Даудов - 91 килорал кIушиврий. КIилчинми кIанттурду бувгьуну бур Аьбдул Нажмуттиновлул ва МахIаммадхан Абакаровлул. Шикку ххув хьуми гьуртту хьунтIиссар майрал 2-9-нний Оренбурглив хьунтIисса Аьрасатнал первенствалий.