Шадлугърал даражалий хьунадаркьунни Интнил байран ЦIуминалийсса Чапаевкаллал шяравусса «Солнышко» садикрай. Ва кьини садикрайн оьрчIал нину-ппу бувкIун бия, жура-журасса бартри-гургригу дурну.

И. Саидова Мюрщултрайн ларххун дия аьнтIикIасса бузмарду ва чиллу-чухъри. Тарбиячитурал оьрчIан лахьхьин дурну дия Интнил байрандалун хасъсса дуаьр­тту. Садикрал хIаятраву бивчуну бия къавтIи. Ттул цIуцIаву цIарахьхьун, ЦIуллушиву чурххахьхьун, - тIий, дуаьрттугу дуллай, цала-цала бартригу дургьуну, оьрчIру къавтIилул лагма занай, бартри мяш тIий бия. Гьарица чулуха оьрчIавусса гьунарду итххяххан бувансса чаранну ляхълай, чялишну зий бур садикрал тарбиячитал. Хъинну рязину бия оьрчIал нину-ппугу. Садикрал хъунмур Оксана Юсуповал барчаллагь увкуна байран дуван чIарав бавцIусса, кумаг бувсса оьрчIал нитти-буттахь. - Баргъ тIисса цIаниха лав­хьхьусса, чаннасса ва гъилисса хьуннав зул ва зул оьрчIал оьр­мурду, - увкуна ванил.