Мартрал 10-12-нний Турциянаву хьуссар Яшар Догул цIа абад даврин хасъсса лачIун буккаврил дунияллул халкьуннал турнир. Тикку Дагъусттаннал лачIунбуккултрал дурххунни 3 мусил медаль.

ХIасан Аьдилов Турнирданул 1-мур кьини медаллал цIаний лачIун буклай бивкIссар арамтал 70 килорал чурххал кIушиврий ва 48 килорал кIушиврий душру-хъами. Миннуй ххув хьуну бур Аьрасатнал спортсментал. 70 килорал кIушиврий финалданий ххув хьуссар МахIач­къалалиясса МахIаммад­хIабиб КьадимахIаммадов, ванащал лачIун увккун ивкIссар цама аьра­сатлув Илдус Гиниятуллин, 48 килорал кIушиврий ххув хьуну бур 2016 шинал Олимпиадалий гьуртту хьуну бивкIсса Милана Дадашева. Стамбуллай турнирданий ххув хьуну ур цамагу жула ватанлув – Даурен Кероглиев, ванал цащала лачIун бувккун бивкIсса муттаэтал бух бувссар 86 килорал кIушиврий. Финалданий МахIачкъалалиясса «Динамолул» вакил ххув хьуссар Рио-де-Жанейролул Олимпиадалул финалист Турциянавасса Селим Яшардуяр. Турнирданий чарвитул медаллан лайкь хьуну бур Заур Угуев (57 кило), МахIаммад-Расул ГъазимахIаммадов (70 кило), Халил Аминов (74 кило) ва Турциянахлу лачIун уклакисса да­гъусттанлув Шамиль АхIмадов (97 кило).