Ноябрь зурул 15-нния (2016 ш.) январь зурул 10-ннийн бияннин (2017 ш.) республикалий наниссар Дагъусттаннал МЧС-рал Ялув бацIаврил ва профилактикалул даврил управлениялул буллалисса «Новый год» цIанилусса ялув бацIаврил ва профилактикалул операция. Ва операциялул лагрулий дуллантIиссар байрандалул мажлисру нанисса кIанттурду цIарая мюхчан бансса давуртту:

- ххал буллантIиссар ЦIусса шинал байранну дуллантIисса кIанттурду; - идарарттал каялувчитуращал, мукунма цIарая мюхчан шаврих жаваб дулайсса инсантуращал, дежурныйнащал ва бигьалаган бувкIминнаха къуллугъ буллалисса персоналданущал дуллантIиссар инструктажру; Мукунна дуллантIиссар цIу ларчIсса чIумал инсантал къатрава буккан бансса тренировкартту. - байрандалул мажлисру нани­сса кIанттурдай жаваблувсса къуллугъчитурал дуллантIиссар дежурствартту; - дежурный къаралданущал ва цIу лещан дайсса службардал зузалтращал дантIиссар хасъсса занятияртту, лахьхьин бантIиссар байран дуллалисса объектрал зузалтращал цачIу зунсса куц. - ххал бантIиссар пиротехникалул продукция итадакьайсса, ядуллалисса ва дахлахисса кIанттурду. Машлул инспекциялущал ва ОВД-щал цачIуссагу рейдру дантIиссар. Хъунмасса тавакъю буллай буру цIарая мюхчан шаву мурадрай ккаккан дурсса вай тIалавшиннарду дуруччияра тIий: - елка бишияра кьянкьасса зат­рай, плиталия, пачлия, каминдалия ва цаймигу лахъайсса прибордая ва бухкIуллава архну. - малахъару елкардайн чагъаруннил гирляндарду, паммалул ва картондалул игрушкартту. - маласари кIичIираву ягу кка­ккан къабувсса кIанттурдай дахлахисса пиротехникалул затру. Ми ласласисса чIумал буругияра чIун дуркссарагу дакъарив, ххал дувара сертификат. - пиротехникалул затру ишла дуллалисса чIумал буккияра инструкция ва гьарзат дувара микку тIутIисса куццуй. - личIлулну бикIияра, балугъравун къабивсса оьрчIру цивппалу миннуха зун ягу гъанну бацIан мабитару. ЦIу лачIурча, мугьлат бакъа пожарный охраналийн оьвчияра 01 телефондалий, мобильный телефонная оьвтIий бухьурча – «101», «112» телефоннайн. Ш.Н. Исмяилов, отделданул инженер, виваллил службалул лейтенант ХIадур бувссар А. Аьбдуллаевал