[dropcap]М[/dropcap]айрал 20-нния шиннай дуллай бур ишбажаранчитурал Нюжмарданун хасъсса давуртту. Миннул хIасиллу дунни майрал 24-нний МахIачкъалалив Национал библиотекалуву хьусса шадлугърал батIаврий.

Министртурал кабинетрал чулуха бизнесрал вакилтурал хьхьичI ихтилат бунни Да­гъусттаннал ХIукуматрал председательнал 1-ма хъиривчу ХIажимахIаммад ХIусайновлул. «ПаччахIлугърал хъунмур мурад – бизнес лядуккан дуллан­сса шартIру дузал давур», - увкунни мунал. «Опора России» тIисса ДРО-лул хъаннил ишбажаранчишиврул комитетрал каялувчи Зульгимар Таибова-Ричинскаял дащуй бивхьунни цаппара респуб­ликалул идарартту.

Аьрасатнал Ишбажаранчишиврул кьинилул хьхьичIми гьантрай МахIачкъалалив ДР-лул Ишбажаранчишиврул ва инвестициярттал агентствалул дунни цаймигу давуртту.