Коронавирусрал инфекциялийн къаршисса профилактикалул прививкартту чара бакъа дуван цаппара журалул инсантурай.

ДР-лул паччахIлугърал санитар хIакин Николай Павловлул, Дагъусттаннайсса эпидемиологиялул тагьарданул анализгу дурну, кIицI бунни рес­публикалий коронавирусрал инфекциялул къашавайсса инсантал гьарза хъанай бушиву. Дянивну лавсун, гьарца кьини сияхIрайн ласлай бур къашавай хьусса 197 инсан. Коронавирусрал инфекциялуясса нигьачIаврицIун бавхIуну, «О санитарно-биологическом благополучии населения» тIисса федерал закондалийн бувну, хIукму буллалиссар: 1.1Коронавирусрал инфекциялийн къаршисса профилактикалул прививкартту чара бакъа дуван цаппара журалул инсантурай: 1,1 ЗахIматрал кьутIилийну укунсса идарарттай ва ишба­жаранчитурачIа зузисса инсантурай: – цIуллушиву дуруччаврил лагрулий; – дуккаврил лагрулий ва спортрал идарарттай; – машлул лагрулий; – дукра дукайсса кIанттурдай зузиминнай; – исвагьишиврул, косметикалул, массажирттал ва цаймигу салоннаву зузиминнай; – багьу-бизулул хIаллих­шин­нал идарарттай зузиминнай; – муштаринащал зузисса идарарттал инсантурай, миннавух почталул зузалтрайгу; – МФЦ-рдал зузалтрай, паччахIлугърал ва муниципал хIаллихшинну дуллалиминнай; – транспортрай зузиминнай; – ЖКХ-лул ва энергетикалул лагрулий; – культуралул, выставкарттал зузалтрай; – бялахъайсса идарарттал зузалтрай; – театрдал, кинотеатрдал, концертирттал заллал зузалтрай; 1.2 ПаччахIлугърал граждан къуллугъчитурай, муниципал къуллугъчитурай, властьрал органнал зузалтрай; 1.3 АцIния мяйра шинавун бивсса циняв студентътурай; 1.4 Социал хIаллихшиннал сакиншиннардаву ялапар хъанахъисса инсантурай; 1.5 ПаччахIлугърал дазу лахъайсса кIанттурдай ялув бацIаву дайсса паччахIлугърал контрольданул зузалтрай; 2. ДР-лий зузисса сакиншиннардал каялувчитуран, ишбажаранчитуран аьркинссар миннал идара бусса кIанайсса поликлиникалийн диян дуван зузиминнал сияхIру. Гьашину августрал 30-ннийнин дуван профилактикалул прививкартту.