Декабрьданул 17-нний Дагъусттаннал БакIчи Владимир Васильев ва ДР-лул ХIукуматрал Председатель Артем Здунов бувкIунни

Аьрасатнал шагьрурдал чIава жагьилтурал дянив шайсса ЦIусса шинал боксрал турнирданийн. Турнир хьунни МахIачкъалаллал Авто­ххуллурдал колледжрал спорткомплекс­раву.

- Барча буллай ура бокс­рал турнирданий гьуртту хъанахъими ва хъамал. Боксрал хьхьичIуннайшиву дуваншиврул республикалий къачан­сса давур­тту дуллалиссар, амма, ттул пикрилий, уттигу таман­сса дувантIиссар. ХIакьинусса бяст-ччаллугу мунил барашинни. Жува пахрулий буру бокс­рал дунияллул чемпионат­рай Да­гъусттаннал спортсментурал кIира мусил медаль ласаврия.

Цалла хьхьичIуннайшивурттайну миннал Дагъусттанналгу, Аьрасатналгу цIа гьаз дуллалиссар. Цинявннан чIа тIий ура ххувшавуртту, - увкунни Владимир Васильевлул. Яла цIа дурксса спортсментуран ва тренертуран дуллунни паччахIлугърал наградартту. Муния махъ балайрду кунни ДР-лул халкьуннал артистка Рукьият ХIамзатовал, къавтIавуртту дурунни «Ватан» тIисса оьрчIал ансамбльданул.

ХIадур бувссар ХI. Аьдиловлул