Гьашину июль зуруй ДР-лул ЦIуллушиву дуру­ччаврил министерствалий сакин бунни Къашайшалтрал ихтиярду дуруччаврил хасъсса жяматийсса организациярдал совет (Совет общественных организаций по защите прав пациентов). Советрал председатель хьу­ссар цува ДР-лул цIуллушиву дуруччаврил министр Танка Ибрагьимов.

ХI. Аьдилов Гивун бувххун бур ДР-лул ЦIуллушиву дуруччаврил министерствалул зузалт, Республикалул Медициналул зузалтрал профсоюзрал комитетрал председатель, ДР-лул ХIакинтурал ассоциациялул председатель, «Российский красный крест» ООО-рал председатель, «Дагестанское медицинское общество» РОО-рал каялувчи, Да­гъусттаннал гемофилиялул обществалул председатель ва цаймигу. Совет хъанахъиссар совещательный орган, мунил ххалбигьайссар медициналул кумаг баврин хасъсса масъалартту. Мивун буххайссар кумаг баву сакин даврилссагу, дарурттал щаллу бавугу, ДР-лий цIуллушиву дуруччаврил система щаллу даврилссагу, мукунма цаймигу, медициналул иширттацIун бавхIусса масъалартту. Советрал агьаммур давуну хъанахъиссар: - Къашайшалтрал ихтиярду дуруччаврил бутIувусса норматив правалул актру ххалдигьаву. - ДР-лий медициналул кумаг баву сакин даврил, кумаг баврил масъаларттан хасъсса предложенияртту ва маслихIатру хIадур баву. - Аьрасатнал Федерациялул ЦIуллушиву дуру­ччаврил министерствалийсса Къашайшалтрал ихтиярду дуруччаврил советрал хIала-гьурттушиву щаллу даву. Советрал хъунисса ихтиярдугу дур медициналул масъалартту щаллу баврин хасну.