Лаккучу Ислам МахIачев UFC тIисса дунияллул яла хьхьичIунмур промоушиндалул куклумур дивизиондалий иллай, ларсъссар 3-мур ххувшаву. Февральданул 12-нний Нью-Йорк шагьрулий МахIачев ххув хьунни Ник Ленц тIисса американлувнаяр.

Лакку оьрчI ххув хьуссар бияврил шаннагу раундрай, ахирданийгу шамагу судьянал ххув хьуманан ккалли увссар МахIачев (30:25, 30:25, 30:27). «Ттун ччай бия бияврил ахир дуван чIун дукканнинна, амма Ник – цIакь бусса ию ур, мунияту ттуща къавхьунни ттула мурад бартбигьин», - увкунни бияву къуртал хьуну махъ МахIачевлул. Лаккучунан утти ва ххувшаву хъанахъиссар ММА-рай 14-мур ва UFС-лий – шамулчинмур. ХIадур бувссар ХIасан Аьдиловлул