[caption align="aligncenter" width="890"] Дагъус­ттаннал Бизнес Клубрал чулухасса
ХIурматрал грамота дуллунни Разита Мушидован[/caption]

[dropcap]М[/dropcap]ахIачкъалалив, Аьрасатнал тарихрал музейраву, Дагъус­ттаннал Бизнес Клубрал лахъа-хъунну кIицI ларгунни Предпринимательнал кьини.

Андриана Аьбдуллаева [dropcap]Ш[/dropcap]икку гьуртту хьунни Да­гъусттаннал ХIукуматрал председательнал цалчинма хъиривчу ХIажимахIаммад ХIусайнов хIаласса республикалул къуллугъчитал, чIири бизнес дачин дурсса ишбажаранчитал, жяматийсса организациярттал вакилтал. Ишбажаранчитурал дурну дия цала бизнес майшан тIутIисса выс­тавкарттугу.

Мажлис тIитIлай, ихтилат бунни вице-премьернал. Ванал кIицI лавгунни хIакьину дянив­сса ва чIири бизнесрахун багьсса ишбажаранчитурал хъунна­сса хъар лахълай бушиву республикалул бюджет авадан баврил ххуллий. Бувсунни республикалул каялувчитурал шай­сса кабакьу буллантIишиву Дагъусттаннай дянив бизнес ва чIири бизнес хьхьичIуннай дан.

[caption align="aligncenter" width="890"] «Грильетта» кафелул хъунмур Гулханум Гъазиева[/caption]

Хъирив ихтилатру бунни Да­гъусттаннал шяраваллил хозяйствалул академиялул ректор Зайдин Жамбулатовлул Москавлив­сса ва Москавуллал областьрайсса МАИБ-рал (Международная организация исламского бизнеса) каялувчинал советник Разита Мушидовал, БизнесрацIун кабакьу бай­сса центрданул каялувчи Загьиди МахIмудовлул, «Опора России» тIисса ДРО-лул хъаннил ишбажаранчишиврул комитетрал каялувчи Зульгимар Таибова- Ричинскаял ва цаймигу ишбажаранчитурал. Ихтилатру къуртал хьуну махъ хьхьичIунсса ишбажаранчитуран дуллунни бахшишру. Ми ларсминнавух бия лакку душругу.

Дагъус­ттаннал Бизнес Клубрал чулухасса ХIурматрал грамота дуллунни жула Разита Мушидовангу. Лотореялул розыгрыш дурну, личIи-личIисса бахшишру ларсунни байрандалий гьуртту хьун бувкIминналгу.

Байрандалул мажлис къуртал хьуну махъ дунни ифтар. Цила нахIува-нахIусса чуттурдащал ва аьрайн­гьавккурттащал бувкIун бия жула Гулханум Гъазиевагу. Ванил аьрайнгьавккуртту янил ляпI учиннин бухлавгуна. Ва кьини байрандалия бахшиш дакъа цучIав къалавгунни. Тту­хьхьунгу биривунни авурсса тIутIал кацI.