Хъусращиял школалалий хьунни Аьрасатнал ва Дагъус­ттаннал Халкьуннал артист, Аьрасатнал ва Дагъусттаннал ПаччахIлугърал премиярттал лауреат Ширвани Чаллаевлул оьр­мулул 80 шин там шаврил юбилейран хас дурсса шадлугъ.

Октябрь барз баян бувай Бугьараминнал барзну. Мунийн бувну Ккуллал райондалий му барз лавгунни бугьараминнащал­сса хьунабакьавуртту дуллай, гайннал шаппайн лавгун, къатта-къушливусса кушурду буллай, шяраваллал администрациярттал ссупра тIивтIусса хьунабакьавуртту дуллай.

Октябрь зурул 28-нний Ккуллал райондалийсса шяраваллаву дунни инсантурал цала хIаятру, кIичIиртту, идарарттал лагма­сса кIанттурду марцI буллали­сса субботник.

Октябрь зурул 15-нний Ва­ччав хьунни шяраваллил хозяйствалул бакIлахъия дахлахисса ярмукIа. Райондалий зий дур 184 агрохозяйство, миннуву 20 СПК, 164 хъудугьул фермернал хозяйство дур.

Сентябрь зурул 28-нний Ваччиял шяраву хьунни Дагъусттаннал халкьуннал культуралул аваданшиву ккаккан дуллалисса фольклорданул «Ирс» («Наследие») фестиваль.

Октябрь зурул цанния гихуннай зурул мутталий нантIий дур бугьараминнан хас дурсса кьинирду. Бугьараминнан хIисав бувайсса бур пенсиялийн бувксса, 60 шин бартларгсса инсантал. Му зуруй дуллансса давурттан хас дурсса хIадуршиннарду дуллай бур Ккуллал райондалул администрация ва шяраваллал администрациярттал каялувчитал.

Сентябрь зурул 22-нний Ваччиял школалий хьунни, райондалийсса ГО ва ЧС сипталий сакин дурну, цIу дагьний дуклаки оьрчIру ххассал хьун вардиш баврин хас дурсса ученияртту.

Уттигъанну кIюрххил, Вихьуллал шярава даврийн Ваччав най унува, ттула къатрава кьатIув уккайхту, хIисав хьуна жип­луву телефон дишингу, каний ссят дахIингу хъамадиртсса. Ттул чурххал цакуну гьуз куна: «Махъунай зана хьуну, ми ласи».

Ттун муданмагу чIалан бикIай хIакинтал ва школардай дук­лаки оьрчIахь дарс дихьлахьи­сса учительтал яла цала буржру дакIнийхтуну биттур буллалимину. Ттула оьрмулувугу, цуксса бюхълай бурив, хIакиннал ва учительнал хIурмат буван ччан бикIай.

Байран. Му байран цурдагу дархIуну дур кIулшиву ласаврицIун ва дуккаврицIун. Ялагу му байрандалийн учай «КIулшиврул кьини» куну. Буниялагу, сентябрь зурул 1-мур кьини хъанай дур,