Февральданул 19-нний МахIачкъалалив кIулшивурттал даража лахъ байсса Дагъусттаннал институтраву шагьрурдал ва шяраваллал школардаясса дуклаки оьрчIал дянивсса ниттил мазурдий шеърирду ккалаккисса республикалул конкурс хьуссия.

ДакIнийхтуну барча уллай буру Дагъусттан Республикалул цIуллу-сагъшиву дуруччаврил отличник, лавайсса даражалул эксперт, Оьмардул арс ЦIинпIаев Жамалуттин ниттил увсса ххарисса кьинилущал. ЧIа тIий буру цIуллушиву, дуллалимуниву тIайлабацIу, оьрмулуву талихI-тирхханну, цIу-цIусса ххаришивуртту ва хъиншивуртту.

Ххаллилсса лаккучу, шяраваллил жяматрангу, гъан-маччанангу бусравсса, дакI-аьмал хъинсса ккуркличу Загьидинал арс ЯхIия Магьдиевлухь барча тIий буру ниттил увсса ххарисса кьини. ЧIа тIий буру цIуллу-сагъшиву, ужагъраву ххаришивуртту, дуллалимуниву тIайлабацIу.

Уттигъанну «Почетный гражданин Махачкалы» тIисса цIа дуллунни Дагъусттаннал Музыкантътурал союзрал председатель, Аьрасатнал искусствалул лайкь хьусса ишккакку, профессор Хан Башировлун.

Уттигъанну, лавайсса даражалул пишакартал хIадур буллалаврихлу ва чIярусса шиннардий бувсса захIматрахлу, 2016 шинал январьданул 16-нний бувксса ДР-лул БакIчинал ХIукмулийну, «За заслуги перед Республикой Дагестан» тIисса бюхттулсса наградалун лайкь хьунни,

«Илчилул» редакциялул цIаниятугу, цинявппа буккултрал цIаниятугу дакIнийхтуну барча уллай буру Нураттиннул арс Маммаев Сулайман, Да­гъусттаннал паччахIлугърал медициналул академиялул ректорну увчIаву. Барачатну бугьаннав ина вилва къуллугъ, тIайлабацIу баннав вил гьарца иширттаву, ша­ттирдаву, вил хIарачатрайхчин хъиннура хьхьичIуннай

ЧIяру даннав вил оьрмулул ххаришивуртту Цалчин, жулва даврил уртакь, дус-ихтивар, Гьун­чIукьатIрал шяравасса ХIа­жиева Зинфира Убайдуллагьлул душнищал ванил ххира­сса арснан Камиллун арс ув­сса ххаришиву кIидачIлай, арснал арс хъуна уллай буру. ТалихI бусса, оьрму лахъи­сса, салихIсса изаннав. Агьлу-тухум лахъа-хъун бувансса чув-адамина хьуннав. Вияту уттигу цимиллагу хъунна-бава хьуннав.

ДакIнийхтуну барча буллай буру Ккурккуллал шяравасса Зайдиев Гъазинал ва ПатIиматлул арснал Мирзал ва Магьдиев Айдамирдул ва Гульнарал душнил Аьишатлул ташу.

Дагъусттаннай муххал ххуллул даву сантирай ва лябукку бу­ну хьхьичIуннай давриву биялсса бутIа бивхьусса инсанни СумбатIуллал шяравасса Закарижанал арс СутIаев Рамазан. Аьрасатнал ва Дагъусттаннал транспортрал лайкь хьусса зузалал цIардангу, ЗахIматрал ЯтIул Ттугълил ордендалунгу лайкь хьусса, личIи-личIисса давурттай 58 шин муххал ххуллул коллективраву дурсса хIакьсса захIматчи.

Декабрь зурул 10-нний, муххал ххуллий зий 58 шин, миннуватугу сайки 20 шин МахIачкъалаллал муххал ххуллул отделениялул каялувчину зий ивкIсса, хIакьинусса кьинигу таможнялул секторданул начальникну зузисса Закарижанал арс СутIаев Рамазаннул оьрмулун 80 шин хъанай дур.