Уттигъанну Пятигорск шагьрулий хьунни «Юность России» тIисса цIанилу Аьрасатнал даражалийсса боксрал чемпионат. Шикку хьунабавкьунни Аьрасатнал боксрал спортраву яла хьхьичIун ливчуми спортсментал, миннал тренертал ва лавайсса категориялул судьятал.

На Батунная нанийни Гъумучатусса жула эмиссартурал ттухьхьун Истанбуллив оьрму бутлатисса МахIаммад Нажатий тIисса адаминал адрес дуллуссия. КIюрххил ивзун, на кIа адаминал хъирив лавгра. МухIаммад Нажатий МахIмуд-пашанал цIанийсса кIичIираву «Къирим-отель» тIисса гостиницалуву ия. МахIаммад Нажатий тамансса – 45 шинавусса, загълунсса чурххал адамина ия.

Вай ларгсса бигьалагай кьинирдай «Властелин кольца» ресторандалуву хьунни ляличIину ххуйсса, хъинну чIявусса ва хъинсса асарду дакIурдиву кьабивтсса, «ФейсбукрайхчIин» цаннащал ца кIул хьусса, «Кунаки» клубрал цачIун бувсса, хъинсса дустурал батIаву. Ва кьини жулла республикалийн бувкIун бия Чачаннавасса, Ингушнавасса, АсатIиннавасса, Кабардин-Балкарнавасса ва Гуржиянавассагума хъамал.

Лахьхьу Лакрал райондалий дунни Аьрасатнал Кьини кIицI дуллалисса байран. Байран сакин дурну дия райондалул Магьирлугърал идаралул. Муний гьуртту хьунни райондалул администрациялул бакIчинал хъиривчу Соня Макьаева,

Шяраваллал кIанай яхъанахъисса инсантуран кумагран, ми давурттал щаллу баву ва шяраваллил хозяйствардал бакIлахъия гьаз даву мурадрай, паччахIлугъ кумаг буллай дур багъру бугьан ччисса инсантуран. Мукуннара «Эффективный агропромышленный комплекс» цIанилусса хасъсса проектгу сакин дурну дур. Багъру бугьаврия цIуххин на хьунаавкьуссияв Ккуллал райондалийсса шяраваллил хозяйствардал ва лагмасса тIабиаьт дуруччаврил управлениялул хъунама Рамазанов Рустам ХIасановичлущал.

КIинтнил зурдардий къазийгу бивкIун, май зуруй дайдирхьунни Ваччав цIуну буллалисса школалийсса давурттив. Гьашину сентябрь зуруй цIусса школалул къатраву дуккаврил шин дайдишинсса куццуй давурттив къуртал дуван хIарачатрай бур строительтал.

Майрал 30-нний Ваччав Жагьилтурал центрданий хьунни дуклаки оьрчIал дирхьу­сса суратирттал конкурс. Мунил сиптачину бия Ккуллал райондалул жагьилтурал ва туризмалул комитет. Конкурс хас бувну бия ОьрчIру буруччаврил кьинилун.

Уттигъанну Ккуллал райондалул «Щунудагъ» телеканалданувух на, Ккуллал шяравасса Маммаев Рамазаннул, ихтилат бувссия цаппара жула лагма-ялтту ялапар хъанахъисса, ца-ца чIумал жущала щябикIлай, бизлазисса,

Сайки ххюцIалла шинал хьхьичIва Оьргърал шяраватусса АхIмадхан Абубакардул чивчусса «Магьилул къалиян» тIисса лу лакку мазрайн таржума бувну итабавкьуна.

Дунияллул Цалчинсса дяъви хьуну 100 шин хъанахъисса иширан хасну майрал ахирданий Бакуй хьуну бур «Малоизвестные страницы истории, уроки прошлого и призыв к будущему» цIанилусса миллатирттал дянивсса элмийсса конференция. Конференциялул сакиншинна дурну дур Азирбижаннал Республикалул президентнал иширтталсса буллалисса управлениялучIасса политикалул чагъардал Архиврал.