Республикалул тестированиялул центрданул графикрайн бувну МахIачкъалалив «Труд» стадиондалий хьунни щалагу Аьрасатнал физкультурно-спортивный комплексрал ГТО-лул кьараллу ххал дигьлагьисса кIинтнил фестиваль.

Март зурул 18-19-нний Ставропольлал крайрай хьусса каратэлул чемпионатрай гьуртту хьуну, хьхьичIунсса кIантту бувгьуну бувкIунни ЦIуссалакрал райондалиясса чIава спортсментал.

Март зурул 20-нний ЦIуссалакрал райондалий ЦIуссалакрал гимназиялий хьунни райондалул школардал дянивсса шахматирттай буккаврил бяст-ччал.

Мартрал 10-12-нний Турциянаву хьуссар Яшар Догул цIа абад даврин хасъсса лачIун буккаврил дунияллул халкьуннал турнир. Тикку Дагъусттаннал лачIунбуккултрал дурххунни 3 мусил медаль.

Уттигъанну, февраль зурул 10-13-нний, Башкириянал хъун шагьру Уфалий хьунни Башкириянал паччахIлугърал медициналул университетрал гьану бивзун 85 шин шаврин хас дурсса, АьФ-лул медициналул ва фармацевтический ВУЗ-ирдал дянивсса щалагу Аьрасатнал кикбоксинграл турнир.

Февральданул 26-нний ДГТУ-рал Спортрал къатраву хьунни республикалул чIава жагьилтурал (юниоры) ва душварал первенство.

Уттигъанну Лакрал райондалийсса ГьукIурдал шяравун бувкIунни ххарисса хавар. Китайнал Макао шагьрулий хьу­сса хIала-ккаласса дандибуккавурттал чемпионатрай ххув хьуну, ГьукIурдал шяравасса Рамазанов Мурад АьвдурахIиннул арсная хьунни дунияллул чемпион. Финалданийсса бяст-ччаллай Мурадлул, хъинну тивталну ва усттарну ивну, цинявппа хIайран бунни.

Лакрал жагьилтал муданмагу Дагъусттаннал спортсментураву хьхьичIунну бивкIссар. Миннал ласласисса ххувшавуртту хъиннура гьарза хьунни махъсса шиннардий, личIи-личIисса, боксрал, лачIун буккаврил, закканттай бияврил, чемпионатру хъанан диркIун мукьах. Мукунсса ца спортрал бяст-ччаллай буккавуну хъанай дур «греплинг» тIисса журагу.

Лаккучу Ислам МахIачев UFC тIисса дунияллул яла хьхьичIунмур промоушиндалул куклумур дивизиондалий иллай, ларсъссар 3-мур ххувшаву. Февральданул 12-нний Нью-Йорк шагьрулий МахIачев ххув хьунни Ник Ленц тIисса американлувнаяр.

Бархъаллал щар машгьур дурну дур дунияллийх, цIанихсса тIахIунтту дувултрал дакъассагу, магьирсса заргалтуралгу. Нажагьссавагу бакъахьунссар хIакьину Бархъарав къуш ва сянатрахун къабагьсса, чансса бухьунссар