Ва нюжмардул дайдихьулий, хъуншагьрулул бакIчи Муса МусаевлучIа хьунни шагьрулул шаннагу райондалул бакIчитал ва личIи-личIисса шагьрулул къуллугъирттал каялувчитал гьурттусса гьарта-гьарзасса батIаву. Шикку хъунмурчIин ххалбигьлай бия хьхьичIва ялув бивхьусса амрурду ци даражалийн бивну бурив, цукун щаллу хъанай бурив ххал буллалисса масъалартту.
Ларгмур шинал оьрчIрунияр гьарзану душру бувну бур. Ва шин дайдирхьуния шинмайгу хъуншагьрулий бувну бур 400-ксса оьрчI.
ДР-лул Связьрал, энергетикалул ва транспортрал министерствалул 2016 шинал дурсса даврил хIасиллайн бувну, жулла региондалийсса 98% агьалинал щаллу бувну бур телевещаниялул.
Совет Федерациялул Элмулул, кIулшивуртту дулаврил ва культуралул комитетрал тIалавшиндарайн бувну, жула билаятрай най диркIсса «Семья года» щалва Аьрасатнал конкурсраву ххув хьуминнавух бур «Семья – хранитель традиций» тIисса номинациялуву ххув хьусса жула Дагъусттаннаясса Улугбековхъал кулпатгу.
Дазу-зума дакъар цала пиша ххирасса ва му куртIну кIулсса хIакиннал, къашайшалт хъин буллай, хьхьу-кьини дакъа буллалисса захIматрал. Чансса бакъахьунссар хIакинтал, къашайшала ччаннай ацIан аву мурадрай, операцияртту буллай, даруртту буллай, хьхьурду уттара дурсса.
Циваннив къакIулли, амма махъ ппурттуву телевизор ягу компьютер лавхъни, най буна негативсса хавардугу къабаллай, ххуймуния, хъинмуния бусласимуних вичIи дишин ччан бикIай. Бизар хьунна, шацI хьунна шаттирахун баллайнмасса оьхIалсса хавардая.
Лакрал буссар «БуттарссичIан лагара – аьтIи бувну бучIара, чIаххущарничIан гьара – хъяхъи бувну бучIара» тIисса учала. Жунгу ччай бур хъинбитаншиврул нахIу махъру бусласисса чIаххущарнил кунмасса бакъа, дакIцIуцIисса буттарссил кунма бюххансса гъалгъа бан.
КIулсса куццуй, халкьуннал художествалул творчество ва аслийсса культура ядавриву зий, захIмат буллалиминнан «Душа Дагестана» премия дуллалисса конкурс шай гьарца шинал. Республикалул Культуралул министерствалул баян бунни ва шиналмур конкурс.
Аьлиллул душ Бижутиева ХIабибат Хъуннасса чIун къаларгунни Хьурттал шяраватусса Бижутиев Аьлиллул душ ХIабибат оьрмулул аргъираву аьпалувух бивхьуну. ЗахIматсса цIуцIаврища ххассал бан къавхьунни Хьурттал жяматрангу, му кIулминнангу, чIахху-чIарахнангу бусравсса, ляличIинува дакI-аьмал ххуйсса,
Кьуния ряхра шинал лажиндарай, ххирасса «Илчилул» дус, жува буссияв цачIу. Зул дянив чансса бакъахьунссар хIакьинугу, цалчинмур номерданияту байбивхьуну, лакку кказит кIунттил бувгьусса, бувккусса инсантал. Кьуния ряхра шинал дянив шинну, гьантри, муттарду личIи-личIисса бия. ХIакьину дуркIун дур чIун ттулла жандалун ххирасса «Илчилул» ва, вайксса шиннардий нава батIлай, ттула лагма бивкIсса коллективралгу каялувчишиврул къуллугъ кьабитан.
