Дагъусттаннал миллатирттаву цикссагу хъами бухьунссар чIавасса оьрмулий дяъвилул шиннардий, 1941 шиная шихунмай, колхозрал давурттугу, школалийсса дуккавугу дуллай, хъунмасса захIмат бивхьуну, касмурду лархьхьусса.

ЦIусса заманалул жунна «бахшиш» дур чIявусса инсантал зун­сса даву дакъа личIлачIисса тагьар. Гьай-гьай, хIукуматрал даву дакъа ливчIминнан зуруй дулайсса 1000 къурушрах яхьун къашайшивугу чIалачIисса зат бур.

Дарбантуллал шагьрулул 2-мур музыкалул школалийн ва ОьрчIал ва чIаважагьилтурал творчествалул дворецравун заназисса Айгюн Абасова Дагъусттаннал чулуха гьуртту хьун най бур билаятрал балай учаврил яла машгьурмур «Голос. Дети» конкурсрай.

ЦIанасса оьрмулуву ца яла агьамсса масъала бур терроризм ва экстремизм. Ва масъала щуну бур иш бавчусса Европанал билаятирттайнгу, Американайнгу, азиатнал ва мискинсса африканал билаятирттайнгу. Мунийн бувну ва балаллущал талангу багьлай бур дунияллул цинявппа билаятру цачIун хьуну.

«На ялугьлай бикIара ина бучIай нюжмар кьинилух. Ттун ина буккин ххирара… На бу­ккав ххуйсса чунал ххуйсса тIулуя. Цан оьрму лахъи баннав, цан ччинангу, цангу цал бакIрая цадакьа хьуннав, балаллул хьхьичIун дагьаннав».

Ххарилгу леххавай бачара гьарцагу Лаккуйн аьрххи багьтари. Лаккуйн бияйхтурив, дакI цимиллагу даххана шай. Ва ххуллухгу мукунма… Лакрал дазуйн буххайхтува рикIирах батIул бувсса кунма бяличIай саргъунсса асфальт­рал ххуллу. Яла чачун Ккуллал райондалулмур дазуйн бияннин ххиттул ттугъ буссар ххуллул душмансса гьалмахчуну.

Ларгсса нюжмардий ДР-лул строительствалул, архитектуралул ва ЖКХ-лул министр Ибрагьим Казибеков ивну ур Дарбантлив духсса къатрава халкь бизан бантIисса цIусса къатри дуллалисса кIанттурдайн.

Промышленностьраву ва шяраваллил хозяйствалуву импортозамещениялул программа бартдигьаврин хасну республикалий гьарза дуллай бур ми бутIраву дуккан дайсса хъус. Мунил хIакъираву бувсунни ДР-лул Экономикалул министерствалий.

Дагъусттаннал ласунтIиссар 13 млн. къуруширттал, капитальный ремонтрахлусса взносирттал компенсация хIисаврай. Мунил хIакъираву бувсунни региондалул Капремонтрал фондрал прессалул къуллугърал.

Дунияллий акъахьунссар инсан цалагу аьвкъу-гъили къавхьусса, шяра къадирсса. Гьарца шинах бияйсса ярглул миллионнайсса инсантал кьарид бай. Гьарцаннал дур цанна ххира хьусса ва цIуцIаврищал талан­сса кьяйдарду, амма чIявуссаннан къакIулли хъин хъанахъаву дайдишин аьркиншиву пагьризрая (диета).