Гъумук райондалул оьрчIал библиотекалуву хьунни лакрал шаэр, чичу, ДР-лул культуралул лайкь хьусса зузала, захIматрал ветеран Амиров Валерий МахIаммадлул арснал оьрмулун 75 шин шаврил юбилейран хас бувсса мажлис. Мунил сакиншинначи хьунни райондалул магьирлугърал идара ва библиотека.
Гай дия захIматсса дяъвилул шинну. Шярава аьрайн лавгун бия ттуршунния ливчусса арамтал. Миннавух хушрай дяъвилийн лавгун бия школалул учительталгу. Шяраву ливчIун ия увагу кIия учитель: Исрапилов МухIуттин ва Даккаев ХIанапи.
Лакку кказит-журнал шяравун бучIаннин ялугьлагьисса чIявусса халкь хьунабакьай ттун жулла лакрал щархъаву. ЦIусса назмурдал, хавардал лу буккавурив цила багьайкунсса байранну шай Лакку кIану, цала миллат ххиранан. Хъинну дакI ххари хьунни ва ххуллух ттула дус М. Давыдовлул ттунма «ХхуллуцIсса щаращи» тIисса хъунбакъасса назмурдал лу пишкаш баврия. Луттирал автор бур Тамара Ибрагьимова. Ттунна ччянира бавсса цIа, кIулсса...
ГЪАЗИМАХIАММАДЛУЛ АРС ХАЙДАКЬОВ СЕРГО Майрал 25-нний, оьрмулул 77 шинаву, дунияллия лавгунни жуна цинявннан ххуйну кIулсса, дакI-аьмал хъинсса, инсантуращал хIал бавкьусса, Лакрал театрданул артист Хайдакьов Серго. Серго 50-лла шинай артистшиву дуллай зий ия жула театрдануву. Мунал даврин лавайсса кьимат бивщуну, 1996 шинал дуллуна «Дагъусттаннал лайкь хьусса артист» тIисса цIа.
Майрал 27-нний Дагъусттаннал БакIчи Рамазан АьбдуллатIипов гьуртту хьунни Аьрасатнаву къюмайтIутIи бугьаврил ва чахир дуккан даврил хIакъираву Новороссийскалий АьФ-лул ХIукуматрал Председатель Дмитрий Медведевлул каялувшиврулу хьусса совещаниялий.
Ларгсса нюжмардий «Фейсбукраву» дурккунни «Кавказская политика» кказитраясса ссылка «Дагъусттаннал паччахIлугърал гимн даххана дансса пикри ххалбигьин» ДР-лул Халкьуннал Мажлисрал хъунама Хизри Шихсаидовлул тапшур буллалисса Республикалул БакIчинал хIукму. Апрель зурул 28 — нний бувксса. Ва пикрилул ялув «Фейсбукраву» гьалаксса дискуссия дур. Официальныйсса хIукму – Указ ттигу кьамул бувну бакъахьурчагу, ва масъалалул чIарах буккан миллатрал кказитращагу къабювхъунни. Цанчирча...
Уттигъанну Къалмукьнал Республикалий Элиста шагьрулий хьунни 16-мур Щалвагу Аьрасатнал гьаннарал яттил выставка. Та выставкалий ДР-лул вакилтурал дурххунни 21 медаль. Гьашину Дагъусттаннал ризкьичитурал дукIунияр чIярусса медаллу дурххунни: 8 мусил, 7 арцул ва 6 чарвитул медаль.
Ххирасса оьрчIрув! Вана къуртал хьунни ирглийсса дуккаврил шин. Вана жущава цал уттигу ххарину, шадну «Барчаллагь, дуккаврил шин!» учин хъанай. Гьар дуккаврил шинал ахирданий ялун дияй гацIана цамур байрангу – ОьрчIру буруччаврил кьини. Барча дуллай буру, оьрчIрув, кIирагу байран! Жу дакI дарцIуну буру зу ххуйсса кьиматирттащал бувкхьунссару гъинтнил каникуллайн, школ оьрмулуву яла лахъими ва хIазми каникуллайн...
Ларгсса нюжмар кьини Дусшиврул къатлуву хьунни «О языках народов Республики Дагестан» законопроектрал хIакъиравусса «ккуркки стол». Шикку гьуртту хьунни хIукуматрал къуллугъирттайсса, республикалул СМИ-рдал ва жяматийсса сакиншиннардил вакилтал.
Уттигъанну цалва «Мусил хъатIул» юбилей кIицI ларгунни Каспийскалий мина дирхьусса лакрал чIявусса кулпатирттавасса цаннил – Муса ва Мисай Абачараевхъал кулпатрал.
