Гьарица инсаннал оьрмулуву ца яла дакIний личIаймур байран духьунссар школалия личIи хъанахъисса, оьрчIшиврува був­ккун, хъуниминнал оьрмулувунсса ххуллу тIитIлатIисса Махъва-махъсса гюнгутIул байран.

Жул щар дур Гъумучату 7 километралул архну, яруссаннащалсса дазуй. Гъумучату нанийни хьунабакьайссар неххайх бивхьусса кIива ламу, Вилттащиял ва Убурдал щарду, 2 ферма – ца Гъумучиял, цагу Убурдал. Шяравун биян хьхьичI дуссар Ппирвявалу тIисса кьан, бигьалаган щябикIайсса.

Хъун дяъви байбишиннинсса шиннардий на уссияв ялапар хъанай МахIачкъалалив ттула буттачIа, 1-мур школалий дуклай. Июньдалул 22-нний В.М. Молотовлул радиолувух дяъви байбивхьушиву баян байхту, шагьрулул агьали, аьжаивну дарих бувккун, бакIругу хьхьичIун дирчуну занан бивкIуна. КIичIирттавух занан диркIуна новобранцынал кьюкьри-отрядру. Дяъвилул кIилчинмур кьинива фронтрая букIлан бивкIуна бивщуми, щавурду дирми.

Май зурул 9-нний щалвагу жулва билаятрай бюхттулну кIицI дунни Хъунмасса Буттал КIанттул цIанийсса дяъвилуву Ххувшаву ларсъсса кьини. Ттунгу бусан ччива Ххувшаву гъан дуллай дяъвилул цIараву талай ивкIсса ва зана хьуну махъ хIукуматрал тапшур дурсса давурттай хъунмасса захIмат бивхьусса ттула буттая – 1-мур ЦIувкIратусса Оьмаров МахIаммад Оьмаровичлуя.

ТIутIал арив тIюпан бутIайсса кунма бияй кулпатрал ялун кIул бакъа бала. КIул бакъа бала бакъа ци учиви, хIатта нину инжитну духьурчагума, га дунияллия гьан бюхъайшиву жула аькьлу-кIулшилуща лаласун къавхьуну, цакуну нину дакъассар тIисса буран бищаврийн? Мукунсса кьини дурккуна дукIу ва гъилисса июнь зурул гьантрай Хъусращиял шяравасса Шихаьлиева Марияннул душваврал ужагъирттайн: июнь зурул 18-нний дунияллия лавгуна...

РАМАЗАННУЛ АРС РАМАЗАНОВ ЮСУП Хархавар бакъасса азаруннища ххассал уван къабювхъуну, июньдалул 1-нний жуятува личIи хьунни цIанихсса захIматчи, сакиншинначи-каялувчи, чIявучин бусравсса ва хIурматрайсса инсан, Ккулатусса Рамазанов Юсуп Рамазаннул арс Сайки 77 шинал

Июньдалул 2-нний Дагъусттаннайн бувкIунни АьФ-лул Федерал Мажлисрал ПаччахIлугърал Думалул депутатътурал группа. Делегациялувух бур «Единая Россия» фракциялул каялувчинал 1-ма хъиривчу Дмитрий Савельев, ПаччахIлугърал Думалул дунияллул халкьуннал иширттал комитетрал председательнал 1-ма хъиривчу Светлана Журова,

Май зурул 24-нний ЦIуссалакрал райондалул КIулшивуртту дулаврил управлениялул хъунама Руслан МахIаммадовлул сипталийн бувну, АьФ-лул лайкь хьусса учитель Валериан Абакаровлул цIанийсса туристурал ва краеведтурал слет гьашину хьунни ЦIуссаминалий.

Майрал 25-нний Лакрал райондалийсса Ккурккуллал школалул 9-мур классрал оьрчIру бувкIун бия Ккуллал райондалийн экскурсиялий. Вай кIул хьуна Ккуллал райондалул музейравусса экспонатирттащал, цIуну тIивтIусса Вир­ттаврал аллеялущал ва райондалий хъанахъисса дахханашивурттащал.