[dropcap]Я[/dropcap]нварьданул 30-нний МахIачкъалаллал администрациялий хьунни хъуншагьрулул бакIчинал кIанайн кандидатурартту дирхьуминнащалсса ихтилатру буллалисса махъра-махъсса ятIап.

[dropcap]В[/dropcap]ай гьантрай Дагъусттаннайн Бакуйннал шагьрулия бавунни Курди Закуевлул арс Фаик Закуев оьрмулул 86 шинаву дунияллия лавгсса кьурчIисса хавар.

Январьданул 20-нний Дагъусттаннай гьашину гриппрал ва ОРВИ-лул (острое респираторное заболевание) эпидемиялул чIумал сияхIрайн лавсунни А журалул гриппрал къашавай хьусса цалчинма инсан. Къизилюртуллал азарханалий уттуишин увну ур пневмониялул къашавай хьума.

ДР-лул Ишбажаранчишиврул ва инвестициярттал агентствалул каялувчи ХIасан ХIажиев кIул хьунни республикалий инвестициярттал проектру бартдигьаврил тагьарданущал.

ЗакондалуцIун даркьуну духьурча, утти инвалидшиву кка­ккан дан хьунтIиссар ччясса мутталий ва бигьану. Мунил хIакъираву бувсунни январьданул 21-нний ДР-лул ХIукуматрай халкь кьамул буллалисса чIумал.

Дагъусттаннал Росгвардиялул управлениялул пресс-къу­ллугърал хъунама, полициялул полковник Константин Шиян гьуртту хьунни Щалагу Аьрасатнавусса «Юнармия» тIисса суккушиндарал региондалул штабрал батIаврий.

Гьашину январьданул 1-нния шинмай Дагъусттаннай электроэнергиялулсса багьри лахъ хьунни, НДС-рал ставка 18 процентрая 20 процентрайн лахъан баврицIун бавхIуну ва республикалул тарифирттал къуллугърал хIукмулийн бувну.

Дагъусттаннай маэшат кIюласса кулпатирттавасса оьрчIан ЕГЭ дулун кумаг баву мурадрайсса проект «КIулшивурттал волонтертал» бартдигьин тIий бур.

Ларгсса шинал МахIачкъалалив 3,5 азарва ташу ва 11,7 азарва оьрчI бувну бур.

2018-2019 шиннардил «Лидеры России» тIисса управлентурал, (каялувчитурал), конкурсрал дачIифинал хъанай дур Пятигорскалий январьданул 25-27-нний шагьрулул Культуралул къатраву.