Вай гьантрай Лакрал райондалий даврил аьрххилий увкIун ия Дагъусттан Республикалул ВацIлул хозяйстволул комитетрал хъунаманал хъиривчу Салам Аьбдуллаев.
Райондалул бакIчи Юсуп МахIаммадовлущалсса хьунабавкьаврий ххал бивгьунни вацIлул фондрал дазурдайсса Лакрал райондалул аьрщарайн цIу дагьаврийн къаршисса мероприятту даврийн багьайсса суаллу.
Салам Аьбдуллаевлул кIицI лавгунни, муниципал органну ва вацIлул дазурдайсса аьрщарал заллухъру, Дагъусттан Республикалул ХIукуматрал хIукмулуцIун бавкьуну, буржлувну бушиву цIакь бувсса графикрайн бувну, дазурдацIух гъай увкусса щару бишин ва цаймигу аьрщарайн цIу дагьаврия мюхчан хьунсса мероприятияртту дан.
Юсуп МахIаммадовлул цIу дагьаврия мюхчан баврил ялув зузисса службардайн тапшур бунни ми давуртту ккаккан дурсса чIумуй цин лавхьхьусса даражалий дуван.
ХIалур бувссар
Зулайхат Тахакьаевал
