![Зарема Буттаева](https://ilchi.info/wp-content/uploads/2023/02/52579595-e837-4292-bb13-6b5ca78e5bd7-e1676757779970.jpg)
[dropcap]Ф[/dropcap]евральданул 15-нний МахIачкъалалив хьунни Дагъусттан Республикалул Культуралул министерствалул коллегиялул заседание.
Шикку гьуртту хьунни ДР-лул Халкьуннал Мажлисрал депутат Мурат Пайзуллаев, туризмалул ва халкьуннал художествалул пишардал министр Эмин Мерданов, Культуралул ирс буруччаврил агентствалул каялувчи МахIач Мусаев, Аьрасатнал культуралул зузалтрал профсоюзрал Дагъусттанналмур организациялул председатель Марзижат Буттаева, Культуралул министерствалучIасса Жяматийсса советрал председатель Ссалам Хавчаев, мукунма культуралул идарарттал каялувчитал.
Культуралул министр Зарема Буттаевал бувсуна ведомствалул 2022-ку шинал дурсса давурттая ва 2023-ку шинал дуван дакIниймуния. Махъру лавхъуна цайминналгу. Ва кьини яла-яла ххал дигьлай бия республикалий «Культура» тIисса цIанилусса национал проект, «Культура малой родины» тIисса федерал проект, Фазу Аьлиеван 90 шин, Расул ХIамзатовлун 100 шин шаврицIун дархIуми проектру, шадлугъру, щалагу Аьрасатнал «Пушкиннул карта» программа щаллу даврил лагрулий хьусса ва дуван дакIнийсса давуртту.