![](https://ilchi.info/wp-content/uploads/2023/02/IMG_7662-e1675675497347.jpg)
Ларгсса шинал ноябрь зурул 19-нний МахIачкъалалив хьуссия 5-11-ми классирттал оьрчIал дянивсса «Пифагор» тIисса Республикалул X-мур математикалул олимпиада. Му олимпиада даврил агьаммур мурадну хъанай бур математикалул чулухунмай гьунар бусса оьрчIру аьлтту баву ва итххявхсса оьрчIан хасъсса пишарду язи бугьан кумаг баву.
Конкурсрай гьуртту хъанахъиминнан ккаккан дурну дия школалийсса математикалул программалувасса 6 задание. Щала Дагъусттанная олимпиадалий гьуртту хьуну ур 1575 дуклаки оьрчI. 1-мур даражалул дипломран лайкь хьуну ур 24 оьрчI, 2-мур даражалул дипломран – 33 оьрчI ва 3-мур даражалул дипломран – 111 дуклаки оьрчI.
Олимпиадалий 3-мур кIану бувгьунни ЦIуссалакрал райондалийсса Чапаевкаллал 2-мур школалул дуклаки оьрчI Муслим Исмяиловлул. Муслимлул чIавасса оьрмулуву ва хъанай дур цалчинсса ххувшаву. Ххувшаву барчагу дуллай, чIа учинну Муслимлун гихунмайгу тIайлабацIуртту.