Вай гьантрай ххаллилсса педагог, КIамахъаллал шяраватусса МахIаммадлул душ ПатIимат Айгуновал кIицI ларгунни оьрмулул 70 шинал юбилей. Миннува сайки 50 шин хас дурну дур оьрчIру тарбия баврин ва миннан кIулшивуртту дулаврин. Сангардал школалий лакку мазрал дарсру дихьлай, ПатIимат хъунмасса захIмат бихьлай буссар дуклаки оьрчIру мазгу, миллатгу ххирану тарбия бан. Ванил хIурмат хъунмасса бур Сангардал школалул учительтурал коллективравугу, оьрчIал дянивгу.
Так цала пиша ххирасса, оьрчIах ччаву дусса, хIакьсса педагогнащар шайсса ва бигьа бакъасса пишалий чIярусса шиннардий зун.
КIулшивуртту дулаврил ххуллий бивхьусса захIматрахлу ПатIимат МахIаммадовна лайкь хьуссар хIукуматрал чулухасса личIи-личIисса наградарттан. ПатIиматлун яла бусравмур наградарив дур дуклаки оьрчIал чулухасса ччаву.
ХIурмат бусса ПатIимат МахIаммадовнай, барча вил юбилей! ЦIуллушиву дулуннав, дуллалимуниву тIайлабацIу хьуннав, дуклаки оьрчIалгу, вилами оьрчIалгу ххари буллай битаннав.
Сангардал школалул
педагогтурал коллектив
ва дуклаки оьрчIру
