Уттигъанну Ессентуки шагьрулий хьусса ММА-рал федерациялул щаллуконтактнайну Каруннай бияврил Дунияллул чемпионатрай чемпионшиврул цIа ларсунни жула Дагъусттаннал, лакрал вакил Ислам Мазаевлул.
Ва чемпионатрай гьуртту хьунни Аьрасатнал, Мангъулнал, Къиргъизнал, Къазахъисттаннал, Узбакисттаннал, Таджикисттаннал, Пакисттаннал, Индиянал, Абхазнал билаятирттаясса спортсментал.
Ислам ххув хьунни 71 кг дусса категориялий. Ванан дуллунни «Дунияллул халкьуннал дянивсса ММА классрал мастер» тIисса бусравсса цIагу.
Ислам ур Къяннал шяраватусса. Ванал тренернугу ур жула машгьурсса спортсмен, лаккучу, Хъусращиял шяраватусса Хизри РахIимов.
Хъуннасса ххувшавугу барча дуллай, чIа тIий буру Исламлун ялуннайгу хъиннура бюхттулсса ххувшавуртту, цIу-цIусса тIайлабацIуртту.
