ХьхьичIва баян бувсса куццуй, апрель зурул 2-нний жула билаятрай байбивхьунни Луганскаллал ва Донецкаллал халкьуннал республикар­ттая лихъа бувксса инсантуран, Аьра­сатнал аьралитурал кулпатирттан, жагьилтурал ва волонтертурал ккураннан кумагран­сса ихIсандалул акция «Открытый занавес».

[dropcap]А[/dropcap]ьрасатнал Культуралул министерствалул сакин бувсса акциялувух чялишну хIала був­ххунни билаятрал цинявппагу театрдал ва концертирттал идарартту.
Билетру бавххуну хьусса арцу тIайла дуккан тIий дур Украиннайсса хасъсса аьрали операциялуву ливтIусса аьралитурал кулпатирттан кумагран хIасул був­сса «Все вместе» тIисса социал фондравун.

[dropcap]Ч[/dropcap]Iарах къабувккунни Да­гъусттангу ва акциялул. Республикалул шагьрурдай миллатирттал театрдал бихьлай бур спектакллу, магьирлугърал зузалтрал ккаккан дуллай бур концертру.
Лакрал театрданул ккаккан бунни спектакль «Укрощение строптивой» оьрус мазрай. Спектакль ххал бунни Кьиблалул  Кореянавасса ДГУ-рал студентътурал, Санкт-Петербурграясса ва Ивановский областьраясса туристътурал.