Мартрал 28-нний ДР-лул ХIукуматрал председательнал хъиривчу Ризван ГъазимахIаммадов хьунаавкьунни «УрбанТех» компаниялул каялувчитуращал – гендиректор Андрей Денисенковлущал ва коммерциялул директор Данил Хазовлущал.

Хьунабакьаврий ххал бивгьунни цIанасса статусрал ва 2021-2023-ку шиннардий МахIачкъалаллал агломерациялул ххуллийх заназаврил интеллектуал транспортрал система дузал даврил (ИТС) ва МахIачкъалалив ххуллул-транспортрал тагьарданул мониторинг даврил ва мукунма республикалий ххуллийх заназаврил мюхчаншиврул комплексирттал системартту щурущи даврин хасъсса паччахIлугърал контракт бартдигьаврил хIасиллал масъалартту.

Хьунабакьаврий бувсунни хIакьинусса кьини республикалий дузал бувну бушиву ккаккияртту дакьин дайсса центр (Центр обработки данных) ва жяматийсса транспортрал управлениялул мониторинграл центр, дурну душиву цаймигу дузалшинну.

Хьунабакьаврий ххал бивгьунни мукунма республикалий зузи группа цIу буккан баврил ва мунищал ИТС-рал лябуккулул план кIул даврил масъалартту.
Хьунабакьаврил ахирданий Ризван ГъазимахIаммадовлул дурунни цаппара тапшурлугъру.