Дагъусттаннал БакIчи Сергей Меликов март зурул 22-нний хьунаавкьунни Федерал казначействалул хъунаманал хъиривчу Эли Исяевлущал. Ва Дагъусттаннайн увкIун ия Федерал казначействалул Дагъусттаннайсса управлениялул цIусса хъунама АьбдулпаттахI Амирханов коллективрал хьхьичI барча уван.
[dropcap]М[/dropcap]еликовлул Москавлиятусса хъун хъамаличунахь барчаллагь кунни республикалий экономикалул тагьар ххуй чулиннай даххана дуван арцуйнусса кабакьаву дуршиврухлу. Барчаллагьрай ушиву бувсунни Аьрасатнал финансирттал министр Антон Силуановлуйнгу, республикалий экономикалул тагьар гьаз даву мурадрай шаймур буллалисса.
Ваналгу, республикалул хъунаманахь барчаллагь тIий, увкунни: «Нава чув, ци къуллугърай зий ухьурчагу, на хIарачат буллантIиссара Дагъусттаннал агьалинал оьрму хьхьичIунмай шаву ва республикалий экономика лябуккулий гьаз шаву мурадрай.
Дагъусттаннал цIусса хIукуматраву чIявуми опыт бусса минахурталли, на миннащал зий ивкIссара, кIулли миннал потенциал, уртакьну зунтIиссару ххуйсса оьрму дузал буллай, цIанасса билаятрайсса тагьарданува лайкьну букканмур буллай».
Вара кьини Федерал казначействалул Дагъусттаннал управлениялул цIусса хъунама, коллективгу бавтIун, барча унни.
