![](https://ilchi.info/wp-content/uploads/2022/03/laura_bakrieva-e1646144171563.jpg)
Аьрасатнал агьалинаща, жя- матийсса ккураннаща Крымнал ва жулва ватанлувтурал кьадарданул буруккин бакъа тийнмайну бацIан къашайссар вай кьурчIисса ишру хъанахъисса гьантрай. Жулва аьмсса тарих ва аьмсса мархри бур, рувхIанийсса ирсирал ва мазрал жува бурхIлу бувну бавхIуну буру. Цалархьхьумур чIярур багьу-бизулуву, культуралуву, магьирлугъраву. Жула билаятрал, жулва халкьуннал ва жулла аьдатирттал, культурардал маччашиврул, гъаншиврул бучIантIимургу цIакьсса хьуну ччай буру жува. Мунияту Аьрасатнал билаятрал Президент Владимир Путиннул чул бугьлай буру. ХIакьину Украиннай хъанахъимур гьарцаннайнгу багьлагьисса ишрур. Ттул ттатта, МахIаммадал арс Бакриев Гьарун, 23-мур гвардиялул полкрал битултрал взводрал командир, 1943-ку шинал, Донбасс буручлай, жан кьурван дурсса совет лейтенантри. Увччунугу уссар Ворошиловградуллал областьрайсса Краснодонский райондалийсса Должок тIисса шяраву. ХIакьину тикку, хъачIрай хъачI дирхьуну, талай бур ттул чIунархIал оьрчIру. Аьрали бурж чувшиврий биттур буллай, – тIий бур АхIмад-Хан Султаннул цIанийсса фондрал хъунмур Лаура Бакриева.
ДакIнийн бутанну, Лаурал сипталийну хIасул дуршиву, 6 шинал хьхьичIра, АхIмад-Хан Султаннул цIанийсса «Амет-Хановцы» тIисса оьрчIансса ва жагьилтурансса ккуран. Ва ккурандалул республикалий оьрчIаву ва жагьилтураву патриот зумунусса асарду чантI учингу, цIакьгу буллалисса тамансса давурттугу дуршиву ва дуллайнма бушиву.