![](https://ilchi.info/wp-content/uploads/2021/12/muhammad_ssalamov.jpg)
Вай гьантрай, Дагъусттаннал Муфтиятрал хIукмулийн бувну, ХIамзатлул арс МухIаммад Ссаламов ивтунни лакрал шаннагу райондалийсса Муфтиятрал вакилну. Ва Буршиял шяраватуссар. Увну ур Бабаюртуллал райондалийсса Буршиял Львовск — 4 къутандалий. Аьрали бурж бартбивгьуну мукьах, цал къуртал бувну бур Буйнакскалийсса Сайпуллагь-кьади Башларовлул цIанийсса мадраса, яла – Исламрал университет.
Зий ивкIун ур имамну цал Къянив, яла Гъумук. АрхIала Дагъусттаннал Исламрал университетрал аспирантуралуву дугу-дуклай, зий уссия МахIачкъалаллал Хъун-Мизитрал имамнал хъиривчунугу, цаппара хIаллай зий уссия вава Хъунмизитрал имамнугу, мукуна Муфтиятрал просвещениялул отделданул хъунаманугу. Махъ ппурттуву Ставрополлай имамну зий уссия. МухIаммад «Ислам в Лакии» тIисса порталданул канонический редакторгу ур.
Шиккува кIицI лаганну уттинин лакрал районнай Муфтиятрал вакилну зий ивкIсса Шамил БахIандаьлиевлулгу лакрал миллатрал барчаллагьрансса давуртту дуршиву. Ва Каспийск шагьрулул Имамтурал советрал председательну ивтунни. Ванангу цIусса даврий тIайлабацIу чIа тIий буру.
МухIаммад Ссаламов ватандалийн зана шаврия ххари къавхьусса акъахьунссар ва кIулцириннаву.ТIайлабацIу баннав!