Чурххан мюнпат буми ахънилссаннуву хьхьичIунсса кIанттай дур чIикIунтIа (бурак). Ва ишла дурну дувайсса дукрардугу чIярур.

* * *
ЧIикIунтIа диххан аьркин­ссар гъарал дакъасса, гьава кьавкьсса гьантрай, цалчинсса микIлачIру хъанан хьхьичI.

* * *
Хъунмасса хIаллай ччи-ччимур чIикIунтIа якъашай­ссар, мунияту кIулну бикIан аьркинссар кIинттулнин цуми бучIиссарив дукьан. Хъунма­сса хIаллай яшаймину кIулну бур укунсса сортру: ренова, мулатка, подзимняя А-474, либеро, бордо-237, ва м.ц.

* * *
ЧIикIунтIа, хъунмасса хIа­ллай яхьуншиврул, тIайлану диххан аьркинссар, къабучIиссар ми аьрщарава чIапIацIа дургьуну кIункIу дуллан. Аьркинссар чIикIунтIалул лувсса аьрщи цал, мугъаятну, зарал къахьунну, я чIатIух, я хьюллух гьаз-каз дан, яла аьрщарава ххарцив къахьунну дуккан.

* * *
Дирхсса чIикIунтIалул чIапIив щаллуну букьан къааьркинссар, 1 сантиметралийн дир­сса «магъ» кьаритан аьркин­ссар. ЧIапIив цивппагу карунних гъагълан, буцлан къабучIиссар.

* * *
Хъунмасса хIаллай ядуван дукьан хъинссар, я хъиннура хъуни дакъасса, я мюрш дакъасса, дянивсса лагрулул чIикIунтIа.

* * *
ЧIикIунтIалийсса аьрщарал, щаллуну къадуркьун, кIюласса къатгу диртун хъинссар, муния га ядаврин кумаг хъанахъиссар.

* * *
ЧIикIунтIа ядувансса яла хъинмур кIанттун ккаллину бур нувщул ялувсса кIану. ЧIикIунтIалул цивунна ласай­сса дур нувщува дуклакисса, нувщун ххисса, цинна чIикIунтIалун чара бакъа аьркинсса хъатру.

* * *
ЧIикIунтIа мукунна ххуйну яшайсса дур къундалуву, ца къат чIикIундалул, цагу дахьва хъавтсса къундалул дуллай, ящикраву дирхьуну. Хъиннува хъинссар чIикIунтIа ядуллан нанисса къун цал ххуйну бургъилу кьакьан бувну(дезинфекция хIисаврай).

* * *
ЧIикIунтIа цIийву (дукралийн бичайсса) ядаврил кьяйдагу бур ялу-ялун машгьур хъанахъимур.

* * *
ЧIикIунтIа кIинттулнин дукь­ланнин луххавух дурккунгу хъинссар тIар.

* * *
ЧIикIунтIа ххуйну яшайссар нухьхьавугу (солома, опилки).

* * *
ЧIикIунтIа ядуван аьркин­ссар чIанкъатлуя 15 см лагь дакъасса лахъшиврий, гьавалул циркуляция аьркинсса куццуй­сса дикIаншиврул.

* * *
ЧIикIунтIа ядуван аьркин­ссар цIансса, я дяркъу, я гъилишиву дакъасса, кIанай, цирдагу — хъуними личIину, мюрщими личIину ядурну хъинссар.