Октябрьданул 22-24-нний Москавуллал областьрайсса Одинцово шагьрулий хьунни уттинин къадиркIсса АРБ-лул (Армейский Рукопашный бой) дунияллул чемпионат. Аьрасатнахлу увккун, муний чемпион хьунни Ххюлусматусса ЧутIуев ХIамзат Сулайманнул арс.

Махъсса 2-3 шинал му­тталий ЧутIуевлул спортраву чIярусса ккаккияртту хьун дурунни. Ва хьуссия АРБ-лул Аьрасатнал чемпион, джиу-джитсулул Евразиянал чемпион, джиу-джитсулул Аьрасатнал чемпион, грэпплинграл Аьра­сатнал чемпионатрай арцулмур приз ларсъссия, АСВ-лул Аьрасатнал чемпионатрайгу арцулмур приз ларсъссия.
Цува ХIамзат ур Каспийскалийсса Машиностроениялул ва сервисрал колледжрал студент.
Чемпион хьунаакьин аэропортрайн бувкIун бия ДР-лул Минспортрал вакилтал, мачча-гъанми, дустал, архIал дуклакими ва м.ц.
ЧIа учинну жула район­далия­сса, Дагъусттанная­сса Аьрасатнал спортсменнан тIайлабацIу, гихуннайсса хьхьи­чIуннайшивуртту ва ххувшавуртту.
Дустал, гьалмахтал