Гьарца ишираву хIал бавкьунасса,
ДакI-аьмал уздансса, кушу усттарсса,
Инсантурал чIарав ацIан хIадурсса,
ХъатIай-хъиншивурттай хъинсса тямада!

МахIаммад, ина ттул хъинирву ияв,
Амма уссу куна ххирасса ияв,
Уссай куну бакъа къаучайссия,
Гьарца ишираву чIарав уссияв.

Инава къагьаяв ятинну ивкIсса:
Буттан цIа дирз Аьбдул, мунацIун душгу,
Цан ятин бувавкьай, ттул ххира уссай,
Арс щаллу уваннин ссавур дурния!

Ца гьантлул мутталий оь азаруннил
Ина бас увунна, иткъаххявххунна,
Медсестра-кулпатрал букъав къабивтри,
БивкIулул ххяппуща ина ххассал ан.

Чичрулул хьхьичI бару буван тачIавгу
ЩищачIав къавхьунни, я къахьунтIиссар,
Ина акъа щаргу дачIра хьурунни,
Ттул ликригу, уссай, тти къуркъа хьунни.

Аьишат Бариева,
ш. Хьур