Ссанни хъинсса лимон?

* * *
Лимондалул кIукIлу ва кIяла байссар лажиндарал бурчу.
* * *
Лимон антисептикри. Аьвкъу-гъили хьусса инсаннал лимондалухун чяй хIарчIун хъинссар.
* * *
Лимон тIабиаьтраярасса антиоксидантри.

* * *
Мякь лиххан байссар.

* * *
Остеопороз думиннан хъинссар.
* * *
Инсан инфекциярдая уруччайссар. Лимондалул вирдакIрал (мякоть) организмалува буккан байссар загьру, токсинну.

* * *
Дукралул тIин ххуй байссар, дикIул, балугърал дукралул кьанкь ягин дайссар.

* * *
Ччаруллаву чартту хьун къабитайссар.

* * *
Кьавс хьун къабитай­ссар.

* * *
Аьвкъу-гъили хьуну, къашавайсса инсаннал чурххал кIиришиву лагь дайссар.

* * *
Кьакьарттул цIуцIаву лагь дайссар.

* * *
Инсаннан илтIа хьун кумаг байссар.
* * *
Ущу-щулгъилул кьацI увкусса кIанттайх дуккарча, ччуччаврил зуву лагь дайссар.

Ссанни хъинсса дарчин?

Дарчиндалуву (корица) чIявуссар марганец, клетчатка, мах ва кальций.

* * *
Дарчиндалул дачIи къуса гьантлун канарча, холестерин чан шайссар.

* * *
Хъинссар диабет думиннан, оьттуву качар чан байссар.

* * *
Ракрал клеткарду гьарза хьун къабитайссар.

* * *
ДачIи къуса дарчиндалул, ца къуса ницIал хIала дурну канарча, ца нюжмардува артритрал къювурду чан шайссар.

ЦIуллуну битаннав.

ХIадур бувссар Т. ХIажиевал