![](https://ilchi.info/wp-content/uploads/2021/08/Киров-Султанов1.jpg)
БатIул хьунни жуятува уттигу ца ххаллилсса чув-адамина, лакрал миллатрал яргсса арс, бюхттулсса тарбиялул инсан. Лакку билаятрал хIакьсса патриот, аьлимчу-педагог Абакардул арс Киров Султанов.
Киров школалий дуклакисса чIумуя шихунайва дуккавриву, давриву итххявхсса, жяматийсса иширттавух хIала уххайсса, гьарца чулуха гьунар бусса иялчуну ивкIссар.
Ххишала бакъа кьурчIи бивзунни Кировлул бивкIу. Му чIявучил эбрат ласунну оьрму бутлатисса, цува усса кIантту бюхъан байсса, дустал гьарзасса, гьарица ишираву хIал бавкьусса инсан ия.
Жуна цинявннан бусравсса Киров Султанов аьпалухьхьун лагаврил кьурчIишиву кIидачIлай, дакI аьратталсса жижара буллай буру ванал аьзизсса кулпатрахь Гулизардухь, арснахь Абакардухь, душнихь Светланахь, щалагу Ккуллал жяматрахь.
Цув алжаннул ххари аннав, махъ ливчIминнал оьрмурдай барачат бишиннав.
Вил цIагу, чаннасса симангу дакIния къадуккайминнал цIанияту Шалласу Шалласуев
Вай жижаралул махъру чивчусса чIумал Кировлул кулпат Гулизар сагъну буссия