«Илчи» кказитрал хьхьичIмур номерданий жу рирщуссия Л.А. Ворохобовлул цIанийсса Москавуллал 67-мур клиникалий зузисса, коронавирусрал шанмагу щатIи сукку хьусса чIумал «ятIул зоналий» зий ивкIсса ххаллилсса хIакин, ХIусайнал арс Абачара ХIусайнаевлущалсса интервью.
[dropcap]В[/dropcap]ай гьантрай Абачаран дуллунни «За мужество и доблесть в борьбе с COVID-19» тIисса орден.
«ЯтIул зоналий» зузисса хIакинтуран хъуннасса нигьачIаву дуссар азар цайнна лахъансса. Ци чулийгу вайннал, нигьа къабувсун, лайкьну лавхъунни ва лахълай бур цала пишалул бурж. Коронавирусрал пандемиялул жунма хIакинтурал захIматрал кьадру-кьимат кIул бунни.
![](https://ilchi.info/wp-content/uploads/2021/07/90bae3f2-595b-42d6-b0e2-aba.jpg)
ХIукуматралгу, хIакинтурал захIмат хIисавравун лавсун, вайннан хасну дуккан дунни «За мужество и доблесть в борьбе с COVID-19» орден.
Хъуннасса ххаришивугу, пахругу бур Москавуллал Ц1уллу-сагъшиву дуруччаврил Департаментрал чулухасса ва орден лайкь дурминнавух жула лакку оьрчI, Хъусращиял шяравасса бусравсса ХIусайнахъал агьулданиясса Абачарагу ушиврия.
Барча, Абачарай, вил лайкьсса награда!
[dropcap]Ж[/dropcap]ула ялун дирсса азаргу дух дурну, вила пишалул ххуллий мунияргу бюхттулсса наградартту ласлай ккакканнав!