ЦIуссалакрал райондалул комиссиялул ххал дунни Нугъайннал даралувусса райондалул шяраваллил хозяйстварттал аьрщи. Комиссиялуву бия Шяраваллил хозяйствалул управлениялул директор Камил МахIаммадов, хъунама агроном НурмахIаммад НурмахIаммадов, хъунама зоотехник Мурад Жамалдинов, ДР-лул Россельхозцентрданул хъунама пишакар ХIажимурад Каравалиев.

11 азарда гектар аьрщарава саранчавагу бакъарив кIул баву мурадрай ххал дурну дур 1 азарда гектар.
Ххал дурну дур «Гайдаров», «Даххаев Н», «МахIадов» («ООО Давуд»), ООО «Меридиан» хозяйстварттал лухччив.

КIицI лаган, хьхьичIва саранча лявкъуссия «Гайдаров» КФХ-лул аьрщарай. Дарув пурх увкуну, ми бакъа бувссия. Цайми кIанттурдай саранча къалявкъунни. Аьркин багьарча, саранча бат бансса препаратру ва техника дур ЦIуссалакрал райондалул хозяйствардачIа.