Ккуллал райондалийсса шяраваллавусса школарттан цакьнива буллуну буссия чIаххувсса шяраваллавату, мащаяту оьрчIру школалийн буцлан ва биян буллансса машинартту. Ми бия «Пазик» ва «Газель». Ми машинарттал чIявуминнул шинну хьуну, оьрчIру бувцуну занан ихтияр дакъасса ишругу хъанай бия. Мунияту ми бур чан-чанну тIий баххана буллай. Вана утти цIусса шинаву Вихьуллал шяраваллил школалун буллунни цIусса «Газель». Му утти занангу бивкIунни Ссухъиящиял шяраваллил оьрчIру Вихьлив кIюрххил буцин ва ахттая махъ шаппайн биян буллай.