Кьубиял школалий хьунни райондалул администрациялул терроризмалийн къаршисса комиссиялул вакилтурал дуклаки оьрчIащалсса хьунабакьаву. Муний гьуртту хьунни терроризмалийн къаршисса отделданул каялувчи МахIаммад Гадаев, прокурорнал кумагчи Рамазан Буттаев, Аьрасатнал МВД-лул «Лакский» МО-лул балугъравун къабивминналсса буллалисса инспектор Нариман ХIусайханов, Кьубиял шяраваллил бакIчи МахIарам ХIамзалаев.
МахIаммад Гадаевлул кIицI лавгунни террористурал агьаммур мурад бушиву, исламрал цIагу ц1акьлин дургьуну, жула билаятрай жямат гьалак бансса, власть ва агьали кувннайн кув щун бансса. Бувсунни жула билаятрал тарихраву террористурал дурсса рахIму бакъасса тIуллая.
Ихтилатру бунни Рамазан Буттаевлул, Нариман ХIусайхановлул, МахIарам ХIамзалаевлул ва Кьубиял школалул директор Муса Братиловлул.