Вай гьантрай «Дагестан» РИА-лий Дагъусттаннал жагьилтурал иширтталсса буллалисса министрнал къуллугъ чIумуйну бартбигьлагьисса Камил Сяидовлул журналистътуращалсса хьунаакьаврий бувсунни щалва Аьрасатнаву байбивхьусса «ЦIушинал байран гьарца ужагърайн» тIисса акциялуву Дагъусттаннал волонтёрталгу гьуртту хьунтIишиву.
Ва акциялул лагрулий Дякъил Ттаттал ва Марххаладушнил лаххиялувусса волонтертал, къатра-къатрайх буклай, оьрчIру барча буллай, бахшишру дуллантIий бусса бур. ХъунмурчIин волонтёртал биянтIий бур медициналул зузалтрал оьрчIру барча буван ва мукунма чIявусса оьрчIру хъуни буллалисса ва мушакъатсса оьрчIру хъуни буллалисса кулпатирттавун, мюхтажну ливчIминначIан ва детдомирттайсса оьрчIачIан. Камил Сяидов ур ва хъиншиврул, хъинбалдарал ххуллийсса давриву бутIа бишин ччисса волонтёртурайн «Добровольцы России» сайтрай регистрация дуван оьвтIий. ОьрчIру барча буллалисса мероприятиярду дикIантIий дур декабрь зурул 31-ннин. Волонтёртурал регистрация дайдирхьуну дур.
