ДР-лул ПаччахIлугърал статистикалул федерал къуллугърал баян бунни, апрельданул 14-нния 20-ннийнин дукиялул сурсатирттал багьри баххана хьуну бушиву ахъулссаннулсса
ва ахънилссаннулсса. Нюжмардий ххира хьуну бур чимус (7,4%), гьивч (4,6%), нувщи (2,2%), цIусса помидорду ва нисварти (2,5%). Амма кьювкьуну бур калан (3,1%).
ЛирчIми сурсатирттава ххира хьуну бур гречка (2,2%), чяй (1,6%), барт (1,5%).
Дарурттавату ххира хьуну бур троксерутин (1,6%), линекс, алмагель (1,3%). АьпттикIирттал чIявуминнуву дахлай бакъар медициналул маскарду, антисептикру ва дезинфекциялул затру. Амма ми дусса аьпттикIирттаву багьри баххана хьуну бакъар.
Нюжмардул дянив ххира хьуну бур ризкьилунсса кьавкь ярма (2,5%), шампунь (1,7%). Бензин ва дизел ччуччия ххира хьуну дакъар.
Мартрал байбихьулул багьрах бурувгун, яла ххира хьуми сурсатруну хъанай дур чимус (1,7-лийла), нувщи (25,8%), ккунукру (23,7%), къур (23,3%), гречкалул курпа (21,3%), гьивч (16,7%), качар (15,9%).
ХI. Аьдиловлул
