[dropcap]Ц[/dropcap]Iана коронавирусрал инфекциялулшиврий чIявуми идарартту лавкьусса чIумал, ЦIуссалакрал райондалул культуралул, жагьилтурал политикалул,

спортрал ва туризмалул управлениялул зузалтрал ккаккан дунни цалчин­сса онлайн-концерт.

---

ЧIявусса инсантал бавтIсса мероприятияртту дуллан къадагъа дирхьуну махъ чIявусса артистал хъатIаясса ва шадлугъир­ттаясса маэшатрацIа хьунни.

[dropcap]А[/dropcap]ртистурацIун шаппа щябикIан багьунни тамашачитурангу. Укунсса тагьаргу хIисавравун ларсун, ЦIуссалакрал артистуран пикри хьунни тамашачитал цала балайрдая махIрум хьун къабитан. Вайннал ккаккан дунни цалчинсса онлайн-концерт.

Утти вайннах буруган, вичIи дишин хьунтIиссар Инстаграмрай, Фейсбукрай, Одноклассникир­ттаву. Шаппату кьатIув къабувккун, цанма ххирасса артистурах вичIи дишин щихьхьун бирияйссар.
ЩябикIияра шаппа, бигьалагияра, неъмат ласияра зунма ччисса артистурал балайрдая!

А. Аьбдуллаева