Апрельданул 15-нний ДР-лул премьер-министр Артем Здунов хьунаавкьунни «Россети Северный Кавказ» ПАО-рал гендиректорнал 1-ма хъиривчу

Павел Дынкиннущал ва властьрал органнащал ва граждан обществалул идарарттащал хIала-гьурттуну зузаврил гендиректорнал хъиривчу Сергей Поляковлущал.

Миннал ххал бивгьунни Дагъусттаннал электросетирдал тагьарданул, аварияртту къахьунсса профилактикалул давуртту даврил, ччув­ччусса токрахсса багьри булаврил хIакъиравусса масъалартту.
Артем Здуновлул тIимунийну, авариярттал хьхьичIалу кьукьинсса давуртту дуллай бур цила чIумал. Ялун най дур гъи, му чIумалгу сетрайн хъунна­сса хъар дагьайсса дур, мунияту хIадурну бусса бур цачIу дуван­сса давуртту ххал дигьин.
Павел Дынкиннул бувсунни республикалул каялувчитурал хъуннасса даву дуллай бушиву коронавирусрал хьхьичIалу кьукьаврин хасну.
Мунал тIимунийну, гьашинусса 3 зурул мутталий чIалан бивкIун бур Ухссавнил Ккавкказуллал МРСК-лул сетирдаву ток тамансса чан хъанай бушиву ва агьалинал токрахсса багьа булаврил низам лащинсса душиву. Мунал тавакъю бунни ми масъалар­тту дузал баврих къулагъас дуллан. Артем Здуновлул бакIрайн лавсунни ишла бувсса токрахсса багьа къабуллалисса бюджетрал идарартту жавабрайн буцлан ва арцу дуллали буллан. «Бюджетравату ми идарарттан аьркинссаксса арцу итадакьлай буссар, мунияту токрах багьа буллан аьркин­ссар, буржгу къабувну», – увкунни Артем Здуновлул.

ХIадур бувссар
ХI. Аьдиловлул