КIул бакъа бала ялун бивсса вай гьантрай билаятрал ва рес­публикалул хъуними, хIакинтал, сий дусса, бусравсса инсантал, чара бакъашиву дакъа кьатIув мабуккари,

шаппа-шаппа бацIияра тIий, леххаву тIий бунува, жулва агьали ханну, биччибакъулну кIичIирттавух, паркирдавух буклай бивкIунни. Мунийн бувнугу чIявусса инсантал щалвагу билаятрай нанисса «Шаппа бацIияра» тIисса акциялий гьуртту хьунни.

---

ПатIимат Рамазанова
[dropcap]М[/dropcap]ариян Илиясовал цIаний­сса «Дараччи» фондрал хъунмур Гульшан Хасаевалгу цилва блограй мукуннасса оьвчаву дунни: «Жунма цинявннан хIакьину, жулва кулпатраву, ичIура гьан дурсса чIумучIан цичIар къадияйшиву бувчIуну, шаппа бацIан аьркинни.

Ва чIумуйсса тIалавшиннар. ИчIувацири укунмагу, интернет сававну, кувннащал кув лахъину щябикIлакIисса, тIааьнну хаварду бусласисса чIунну ларгунни. Утти му чIун зана ритан­сса замана бувкIунни. Халкьуннан цив­ппа буруччин ччишиву бувчIиннав.

Хъуниминнаха хIурмат буллай, мюрщими хъин битлай, ичIаллил къайгъурдал­сса буллай, жуннагу, жулацириннангу мюнпатну гьан дуванну чIун. Жува ичIува тя­хъану, шадну къуццу тIурча, жулва ичIувацириннал дакIурдиватугу нигь дуккантIиссар, ва бала­сса чIумува ччяни буккан­тIи­шиврийн хьул бишинтIиссар. ЦIуллуну битаннав!» — укун увкунни Гульшан Хасаевал жул корресп­ондентнахь.