ДГМУ-лул аккредитациялул ва симуляциялул центрданий коронавирусрал къашавайсса инсаннан цукунсса журалул кумаг бантIиссарив бусласисса
ва лахьхьин буллалисса тренинграл дарс дирхьуну дур республикалул азарханардал реанимациярдай зузисса ординатортурахь.
З. АьбдурахIманова
Жагьилсса пишакартуран мяйжаннугусса къашайшалан кIанай робот ишла бувсса хIакиннал кIулшивуртту тикрал дансса тренинг дурну дур ва центрданул каялувчитурал, цIанасса нигьачIисса тагьаргу хIисавравун ларсун.
Шикку вайннан робот-симуляторданий ккаккан бувну бур, уттизаманнул медициналул аппаратгу ишла бувну, къашайшалал гьутрурду зузи байсса куц, укунсса ишираву цуксса анаварну къашайшалан кумаг бан бюхъайсса буссарив ва реанимациялуву профилактикалул давуртту дайсса куц. Тренинграл гьурттучитуран ккаккан дурну дур лахъай азарду дусса чIумал лаххайсса формардая бусласисса видеофильм ва анализру цукун ласайссарив ва ми ххалдигьин тIайла дуккан хьхьичI ци байссарив.
