«Дагъусттаннал шяравалу» музей-заповедникрал – этнографиялул комплексрал» ва Дагъусттан Республикалул Художниктурал союзрал ноябрьданул 27-нний
МахIачкъалалив тIиртIунни «Ккавкказуллал чIяру рангру» («Многообразие красок Кавказа») тIисса цIанилусса выставкалул проект.
Бадрижамал Аьлиева
[dropcap]М[/dropcap]уницIун дархIусса батIаву хьунни ДР-лул Художниктурал союзрал выставкартту дувай залдануву. Му тIитIлатIисса ихтилат бунни «Дагъусттаннал шяравалу» музей-заповедникрал гендиректор Зумруд Сулаймановал.
Ва проект дуллалиминнал агьаммур мурад бур уттизаманнул дагъусттаннал культуралул ца яргсса къат, парча ккаккан бувансса.
Ккаккиялун дирхьуну дур жулла республикалул тIабиаьтрал ва архитектуралул суратру, мукунна дагъусттаннал халкьуннал багьу-бизу ккаккан буллалисса суратру. Художниктурал суратру дакъасса, ккаккиялун дирхьуну дур Дагъусттаннал халкьуннал янна-ка, заргалтурал дурсса чIюлушиннарду. Ва дур буттал аьрщарахсса, мунил лавгмунихсса ва цIанамунихсса ччаврил щурущи дурсса выставка.
[dropcap]В[/dropcap]а хъанай дур ца кIаная цамур кIанайн ласайсса выставка. Ва проект зузи дурну дур 2013 шинал. Муния шиннай ва зий дур, Аьрасатнал личIи-личIисса регионнал дянивсса культуралул арарду, личIи-личIисса диннал ва миллатирттал инсантурал дянивсса дусшиву цIакь дуллай, ккавкказуллал халкьуннал цимирагу аьсрулул лахъишиврийсса дахIаву, личIи-личIисса культурардал кувннийн кувннил биян буллалисса асарду аьч буллай.
Проект хъин чулий ккаркссар Аьрасатнал Федерациялул Культуралул министерствалул.
Выставка тIитIлатIисса батIаврий хьунни живописьрал, графикалул, щащаврил, бартбисуртту баврил ва цаймигу касмурдал мастер-классру.
Выставка лахъи лагантIиссар 2020-ку шинал январьданул 20-ннин.
