[dropcap]В[/dropcap]ай гьантрай АьФ-лул ПаччахIлугърал Думалул депутат Юрий Левицкийл барча дунни ДР-лул 

профсоюзирттал комитетрал председатель АьвдурахIман Адамовлул оьрмулул 70 шинал юбилей.

Имара Саидова
— АьвдурахIман МахIамма­дович! Ина мудангу, партиялул, комсомолданул, Совет органнал ва цаймигу жаваблувсса къуллугъирттай дакI марцIну захIмат буллай, лайкь дурссар агьалинал чулухасса вихшала. Цимилгу тасттикь бувссар инава гьунар бусса организатор ва уххаву къакIулсса пишакар ушиву. Вил каялувшиндарай, вищал зий бивкIми цинявппагу кIицI лаглай бур ина вихшала дишин бюхъайсса, аьркинний чIарав ацIан хIадурсса, пикри цалий­сса кьянкьасса инсан ушиву, — увкунни Юрий Левицкийл.

Юрий Левицкийл мукунма кIицI лавгунни, Республикалул БакIчи Владимир Васильевлулгу, АьвдурахIман МахIаммадовичлул захIматран лавайсса кьимат бивщуну, «За заслуги перед Республикой Дагестан» тIисса бусравсса награда дуллушиву.
Юрий Левицкийл, юбилярнан цIуллушиву ва давриву тIайлабацIугу чIа увкуну, тапшур бунни Барчаллагьрал ча­гъар.