[dropcap]М[/dropcap]ахIачкъалаллал агьали цала шагьру оьрчIан диялсса инфраструктура дакъасса шагьрулун ккалли буллай бур.
Му исват хьунни «Domofond» тIисса федерал порталданул аналитиктурал МахIачкъалаллал агьалинахь бувсса цIухху-бусурдайну.
Имара Саидова
Домофондрал пишакартурал гьарца шинал, 200-нийн бивсса Аьрасатнал шагьрурдайсса агьалинахь цIухху-бусурду бувну, кIул буллай бур оьрчIансса инфраструктурардая цуксса рязину буссарив. Дянивсса кьимат бивщуну бур 6,6 баллданунсса, ми дузал дан ккаккан бувсса балл бур 10-ннийн бивсса.
Ларгсса шинал кунма, гьашинугу Москав шагьрулул агьалинал оьрчIансса инфраструктура дузал даврин бивщуну бур 8 балл. МахIачкъалаллал ми шартIру дузал даврин бивщусса кьимат бур 4,9 балл, ларгсса шинал дурсса укуннасса хIасиллу тIурча, дур 5,7 баллданийн дирсса. Му бакъассагу, вай ахттаршиннарду дуллалисса 200 шагьрулува МахIачкъала бур 197-мур кIанттай.
