Хьурттал шяравасса МахIаммадлул ва Бариятлул арс Бариев МахIаммад ниттил увну 60 шин шаврил юбилей хъанай дур ноябрь зурул 4-нний.
Буттал шяраву 4 класс, яла Гъумучиял школалий 10 классгу къуртал бувну, МахIаммад увххун ур Дагъусттаннал пединститутравун, художествалул ва графикалул факультетрайн. Мугу бувккуну, учительну зун лавгун ур Гъумучиял школалийн, кIикку дарс дихьлай дурну дур 6 шин. Яла МахIаммад увцуссар директорну Хьурттал ва ХьурукIуннал школалийн.
2008-ку шинал, жяматрал тIалав увну, увчIуну, МахIаммад мукьра шинай зий ивкIссар вай Хьурттал ва ХьурукIуллал администрациялул каялувчину. ЦIанасса чIумал ва ялапар хъанай ур МахIачкъалалив, зий ур галантереялул даврий.
МахIаммадлул ххаллилсса юбилейгу барча дуллай, чIа тIий буру цIуллушиву, ххари-хъиншивуртту – ичIурагу, оьрмулувугу. Бартлаганнав вил дакIнийсса цинявппагу мурадру. Итаннав ина ххари уллай вила оьрчIал ва оьрчIал оьрчIал.
Жугу ина ххирасса
ссурахъал
Цалчинмур ноябрьданий ниттил увну хъанахъисса 80 шинал юбилей хьунадакьлай ур ГьунчIукьатIрал шяраватусса Дандамаев Давуд КьурбанмахIаммадлул арс.
Ва ххаллилсса юбилейгу барча дуллай, жун, ина ххираминнан, чIа учин ччай бур вин цIуллушиву, чурххава цIуцIаву дуккаву, оьрмулия щалихханнин итаву — винма ххираминнал дянив. Душнил душнил ПатIиматлул ххари уваннав ина цилва тIайлабацIурттайну.
Ина ххирасса кулпат, арс, душ, душнил душ ПатIимат