[dropcap]С[/dropcap]ибирнал язва азар ппив къахьун ялув авцIуну ур ДР-лул БакIчи Владимир Васильев. Муния бувсунни республикалул премьер-министр Артем Здуновлул

ХIукуматрал санитар-противоэпидем комиссиялул ярглийсса батIаврий.

---

[dropcap]М[/dropcap]инздравралгу, Роспотребнадзорданулгу, Россельхознадзорданулгу, ветеринариялул къуллугъралгу, полициялулгу, ЦIуссалакрал райондалий азарданул кюру бухлаган баврил давурттал хъирив лаявурттугу дурну, азар ппив шаврил хьхьичIалу кьукьинсса профилактикалул давурттугу дурунни.

Азар лахъаврил тагьарданул хIакъи­раву ихтилатру бунни республикалул циняв мурадлувсса идарарттал ва къуллу­гъирттал каялувчитурал.
ДР-лул цIуллушиву дуруччаврил министр Жамалуттин ХIажиибрагьимовлул тIимунийну, ЦIуссаккуллал шяраву сияхIрайн лавсун ур сибирнал язва азарданийн щак бусса 5 инсан, миннавату къашавайсса лявкъуну ур 3. ЦIанасса ппурттуву циняв къашавай хьуми уттубишин бувну бур республикалул лахъай азардал центрданий.
Премьер-министрнал тIалав бунни экьи бувтсса азар диркIсса къячлул лу ччясса мутталий лякъин, мукунма кIул буван га бивхсса къячлийн чув, цукун азар лархъун дурив. МВД-лул вакилнал бувсунни му иширал хIакъиравусса силистталул давуртту уттигу найнна душиву.
ХIукуматрал Председательнал бувсунни ДР-лул цIуллушиву дуруччаврил министерствалул ва ЦIуссалакрал райондалул каялувчинал эпидемиялийн къаршисса ва профилактикалул давуртту ччяни дурну душиву.

Яла ххал бивгьунни Хасавюрт шагьрулул марцI-чапалшиврул тагьарданул масъала. ХьхьичIмур кьини премьер-министр Хасавюрт шагьрулийх най унува ккавккун бур, шагьрулул дянивсса кучалий, аьрщарай хIайвантрал луттирду. Миннул хIакъираву ва шагьрулул чапалшиврул хIакъираву Артем Здуновлул аьй дунни шагьрулул бакIчи Зайнуттин Окмазовлуй.

Премьер-министрнал тIимунийну, шагьру бур цIинцI-ччюркливу. Шагьрулийн бучIан бувну бригада, миннавух – кадастр­данул зузалагу, аьркинни, мигу, волонтерталгу зузи бувну, шагьру марцI буван шанма гьантлул дянив. Му тапшурлугърая махъ хасъсса коми­ссия тIайла буккантIий бур Хасавюртлив. Мукунна хасъсса лабизаву чирчуну дур ДР-лул Прокуратуралийн. Шагьрулий­сса марцI-чапалшиврул тагьарданул ялув бацIаву дуллантIий бур.

ХIадур бувссар
ХI. Аьдиловлул