[dropcap]К[/dropcap]ъизлардай, ДОСААФ-рал школалий, хьунни конструктор Михаил Калашниковлун 100 шин шаврин хас дур­сса мероприятие.

Мунил сиптачитал хьунни Росгвардиялул Ух­ссавнил Ккавкказуллал округрал хасъсса батальондалул аьралитал. Хъунама сержант Рамис Гасратовлул бувсунни оьрчIахь бусалдаравун агьсса Калашниковлул оьрмулия ва мунал изобретениярттая, цIанихсса Калашниковлул автоматрая.

Сержант Максим Никитиннул ва хъунама сержант Шамил Лобзановлул ккаккан бунни Калашниковлул автомат (АК-74), ппивгу бувну, батIайсса куц. ОьрчIахьхьунгу буллунни автомат ппив бан ва батIин. Ахирданий оьрчIан ккаккан дунни Михаил Калашниковлун хас дурсса документал фильм.